BISITA TURISTIKOA LASTERKETAREN GOIZEAN

Ezagutu Maratoi Erdiko helmuga jasotzen duen herriaren ondare historiko eta arkitektonikoa, lasterketa eguneko goizean bertako gida baten bitartez.

Bi bisita interesgarri zure eskura, erabat doan.

- 10:30: Urrezko Mendeko pertsonaia handiak Loiolako San Inazioz haratago. Azpeitiko alde zaharreko bisita gidatua.
Iraupena: +- ordubete.
Irteera: Plaza Nagusiko kioskoaren aurrean

- 12:00. Ezagutu euskal pertsonaiarik unibertsalenaren omenez eraikitako Batikano txikia: Loiolako San Inazio.
Iraupena: +- ordubete. Jaiotetxeko sarrera ez dago barne.
Irteera: Santutegiko harmaila nagusiaren aurrean.

2023ko KAMISETA

Irudi aurkezpenean azaldu genuen bezala, 30. edizio berezi honetarako BIDEA EGINEZ! kamiseta berezia prestatu dugu.

Gaur egun, lasterketa ia denek dute bere elastikoa. Lasterketaren ikurretako bat izaten da eta hori horrela dela jakitun, urtez urte ahalegin berezi bat egiten dugu AzkoitiAzpeitiako kamiseta horrela izan dadin.
42K Running etxearekin daramatzagu urte batzuk. 100% pertsonalizatzeko aukera ematen du etxe hoenk eta aurtengoan, gure lantaldearen laguntzarekin diseinu ikusgarri hau egitea lortu dute:

Kamiseta handituta ikusteko, argazkien gainean klik egin



Hala ere, irudi honen atzean, mezu asko daude. Beste behin Kultura eta kirola batu ditugu , lasterketako bi lagun handiren maisutasunaren laguntzaz.

Sebastian Lizasok eta Andoni Egañak hiruna bertso bota dituzte, AzkoitiAzpeitiako 30 edizio hauek azaltzeko. Bertso hauek zukutu eta BIDEA EGINEZ! irudia landu eta bertsoek esaten dutena, kamiseta honetan irudikatzea nahi izan dugu.

Kirol beharra adieraztean Urola erdiko haiziak Diego ta bere ingurukoei ametsak soraraziak Hau egin leike hori ere bai pentsamendutan hasiak Maratoi erdi bat antolatu poz da kezka nahasiak 30 urtez fruitua emandu eregin zuten haziak.

Diego izan da probaren bihotz ta ingurua azala Berdingabeko lankidea zen nekaezin zerbitzala Urte batzuek joanagaitik zoritxarren hil zala Parte hartzera datorren horrek biak gozatu ditzala Zaletuaren argia eta Diego beraren itzala

Bere izana ta izakera dira oraindik lemazai Jarraipen egoki bat emanez bere helburu ta gauzai Ídolo baina herritar xume haundikeriaren etsai Bere irudiaren ondoan ez gara pasatzen lasai Irripar batez begiratuaz korrika noiz hasiko zai
SEBASTIAN LIZASO

Askok gogoa zuen bailaran kirola eragiteko lagun batzuren sua aski zen ideiak irakiteko. Batu ditzagun Azkoiti, Azpeiti, herrikoi ta eliteko lagun askoren babesarekin garaia zen ekiteko amets bat baino izan ez zena egiatan egiteko.

Herrikoiari erantsi nahia goren mailako izpiak… Diegok probatu samarrak zeuzkan, bi izaerak, hitz biak. “Nik ekarriko” esango zuen, ez “ditut” ta ez “diazkiat” Diegorentzako nahia ta ahala ziren senide bizkiak eta holaxe gauzatu ziren amestutako guztiak.

Hogeitabira iritsi gara, ez ote da garaipena? bizi bizirik eutsi izana lagunaren oroimena. Diego joan zen baina hemen dago, hainbat urtean barrena Loiolaldeko brontzezko irudi horren baitan dago dena… alde batetik joanekoa da, ta bestetik dagoena.
ANDONI EGAÑA

Korrikalari eta boluntario guztiek jasoko dute kamiseta polit eta deigarri hau.

Gaur goizean aurkeztu dira 30.AzkoitiAzpeitia Nazioarteko Maratoi Erdiak izango dituen leloa eta irudia



Gipuzkoako Foru Aldundiko egoitzan izan da aurkezpena eta ondoko loturan duzue aurkezpen honetako prentsa oharra:
Martxoaren 25ean egingo da AzkoitiaAzpeitiako 30.Maratoi Erdia, «bidea eginez» lemapean - gipuzkoa

Aipatu, izen emateak zabalik ditugula jada.

Datozen egunetan joango gara informazio guztia osatzen gure Webgunean.




Babesten dute:
XEYE
20730 Azpeitia (Gipuzkoa)
mail:azkoitiazpeitia@azkoitiazpeitia.eus

Legezko Abisua|Pribatutasun Politika|Cookie Politika

© AZKOITIAZPEITIA 2023



                          WEB DESIGN:IRUDHITZ